Autor: concello-autor

OLLO: Últimos días para anotarse no curso de Xestión de Soutos que se imparte do 19 ao 21 de setembro no horario de 10.00 a 14.00 hs. O xoves 15 de setembro é último día para que acheguedes o anexo de solicitude cuberto no concello ou o enviando mail a concello.manzaneda.manzaneda@eidolocal.es. Podedes anotarvos de concellos da contorna. Adxuntamos enlace o anexo de solicitude que tendes que cubrir. Lembramos que é unha oportunidade para a formación por técnic@s do centro de desenvolvemento agroforestal de Riós e financiados integramente pola Consellería de Medio Rural e Axencia Galega de calidade Alimentaria.

Enlace á sede electrónica

Vimos de pasar favorablemente a inspección do Organismo de Control Autorizado (OCA) da instalación solar fotovoltaica compartida para as instalacións municipais de depuradora, centro médico, residencia 3° idade edif centro de día. Os 84 paneis fotovoltaicos instalaronse sobre a cuberta da nave municipal e conseguirán un autoconsumo respecto da enerxía consumida actual do 33% e excedentes á rede de 5%. A inversión total é financiada integramente a través das subvencións de proxectos de enerxía fotovoltaica do Instituto Enerxético de Galicia (INEGA), así como Convenio entre o Concello de Manzaneda e Rede Eléctrica de España S.A.U.

Como era o campamento? De onde viñan e a onde ían os romanos? Para que acampaban temporalmente neste lugar? Preguntas que se tentarán resolver na segunda fase do estudo arqueolóxico do campamento militar romano de Penedos dos Lobos. Sendo continuistas ca intervención arqueolóxica realizada en 2018, e a petición do Concello de Manzaneda, coa financiación de Turismo de Galicia, así como colaboración do Instituto de Ciencias do Patrimonio do CSIC, estase a realizar unha nova intervención arqueoloxica no mencionado campamento. Nesta ocasión a intervención inclue tres tipos de actuacions: sondaxes arqueolóxicas, métodos xeofísicos e prospección de detección de metáis. Decir que na que se ten máis esperanzas é a das dúas prospeccións arqueolóxicas de antigos murarais e dos estudos científicos parellos de perfís que axudarán a comprender como era a trama construtiva. Neste sentido por medio da aplicación de novas tecnoloxías realizarase unha recreación virtual 3d do trazado. Polo que respecta aos medios xeofísicos poderanse detectar magnetismo, que nos poden indicar zonas donde facían por exemplo fogares de lume. A terceira pata da intervención sería a prospección e detección de metais. A dirección científica dos traballos está a levar José Manuel Costa da Universidade de Salamanca e a dirección técnica Francisco Alonso Toucido de Tempos Arqueólogos.